Илјадници луѓе втора ноќ по ред се собраа пред градското собрание на Истанбул во знак на протест против апсењето на градоначалникот Екрем Имамоглу, најсериозниот политички ривал на претседателот Реџеп Таип Ердоган, што многумина го гледаат како обид да се елиминира клучниот потенцијален противник од следната претседателска трка.

Студентите во Истанбул и во Анкара одржаа главно мирни демонстрации, во знак на протест против апсењето на Имамоглу. Пред градското собрание на Истанбул, полицијата блокираше група млади луѓе кои се обидоа да ја пробијат барикадата во обид да маршираат кон Таксим, централниот плоштад во градот.

Ердоган, пак, ги нарече „театар“ критиките за притворот на градоначалникот на Истанбул. Тој изјави дека најголемата опозициска партија се обидува да ги прикрие сопствените грешки и ги доведува луѓето во заблуда со „театар“.

Главната турска опозициска Републиканска народна партија (ЦХП) денеска повика на нови протести во најмалку 14 градови.

Обвинителите го обвинија Имамоглу дека ја искористил својата позиција за финансиска корист.