До 15 март наредната година, студентите ќе добиваат по 120 денари за дневен оброк, односно 2.400 денари месечно. Под истите услови, субвенциите ќе важат и за месеците септември и октомври. Во меѓувреме, ќе се бара системско решение за сите проблеми на студентите.

Ова е законот за кој гласаа 58 пратеници од мнозинството, додека 21 пратеник гласаа воздржано. Откако амандманите на ВМРО-ДПМНЕ за студентски оброк од 160 денари до крајот на академската година – не беа прифатени, тие најавуваат исти амандмани при носењето на буџетот.