Израел и Либан се чини се блиску до договор за прекин на огнот, а израелскиот кабинет треба утре да расправа за тоа, јави BBC повикувајќи се на извори од израелските и американските власти.
Се предлага 60-дневно примирје за ставање крај на борбите меѓу Израел и либанската милиција Хезболах, која ја има поддршката од Иран.
Се вели дека вклучува повлекување на израелските сили од јужен Либан и крај на присуството на Хезболах во областа.
Во меѓувреме, интензивирана е размената на оган меѓу Израел и Хезболах, исто како што двете страни се пазарат околу последните детали од договорот.
Договорот ќе вклучува зголемување на присуството на либанската армија во областа која ја напуштиле Израел и Хезболах.
Се наведува дека израелскиот премиер Бенјамин Нетанјаху во принцип се согласил на договорот, а потпретседателот на либанскиот парламент според Ројтерс, вели дека нема сериозни пречки за прекин на огнот.
Портпаролот на Белата куќа, Џон Кирби потврди дека договорот е блиску и дека разговорите одат во добар правец.
