Израел мобилизира околу 300.000 резервисти како одговор на големиот напад на милитантите на Хамас, потврди армискиот портпарол, пренесе ДПА.

Армијата го опиша повикот за мобилизација како најголем во израелската историја направен во толку краток временски период.

Хамас, радикалното движење кое го контролира Појасот Газа, во саботата почна ненадеен, повеќестран напад врз Израел, при што досега во него загинаа над 1.000 лица.

Истовремено, во Израел постои огромна загриженост за судбината на над 100 Евреи кои се киднапирани и одведени во Појасот Газа, пренесува ДПА.

Израел вчера прогласи воена состојба и одговори со контранапади врз Газа, во кои досега загинаа околу 500 Палестинци. Неколку илјади лица се повредени на двете страни од судирот.