Опозицискиот лидер Кемал Киличдароглу во својот говор до поддржувачите обвини дека изборите биле „најнеправедните досега“, при што сите државни ресурси се мобилизирани за Ердоган.

„Ние ќе продолжиме да бидеме во првите редови на оваа борба додека вистинската демократија не дојде во нашата земја“, рече тој во Анкара. Им се заблагодари на повеќе од 25 милиони луѓе кои гласаа за него и побара од нив „да останат исправени“.

Сакам да ги видам нашите 25 милиони граѓани кои гласаа за мене, да останат исправени и расположени. Нашиот марш продолжува и еве сме. Народот ја покажа својата волја да смени авторитарна влада и покрај сите притисоци на овие избори.

Поддржувачите на Ердоган, славеа уште пред да стигнат конечните резултати, веејќи знамиња на турската или владејачката партија и свиреа со автомобил, извикувајќи го неговото име и „во името на Бога, Господ е голем“. Празнични пукотници се слушнаа во неколку населби во Истанбул.