Претставници на САД и Иран денеска започнуваат нова рунда директни разговори во Швајцарија, во обид да се зачува договорот за прекин на конфликтот и да се постигне напредок околу нуклеарното прашање и безбедноста во регионот.

Преговорите се одржуваат во услови на нови тензии, откако Техеран соопшти дека повторно го затвора Ормутскиот Теснец, обвинувајќи ги САД и Израел за прекршување на договорените обврски.

Американската војска, пак, тврди дека поморскиот сообраќај низ теснецот засега се одвива непречено.

Дополнителен предизвик за разговорите претставуваат судирите меѓу Израел и Хезболах во Либан, каде и покрај најавениот прекин на огнот продолжуваат нападите и жртвите.

Меѓународната заедница внимателно ги следи преговорите, кои се сметаат за клучни за стабилноста на Блискиот Исток.