Земјотрес со јачина од 6,3 степени според Рихтерова скала го погоди централниот дел на Колумбија, соопштија властите. Засега нема пријавено повредени или загинати. Епицентарот бил на 17 километри североисточно од градот Паратебуено, кој се наоѓа југоисточно од главниот град Богота.

Според американската геолошка служба, земјотресот се случил на длабочина од 10 километри. Колумбиската геолошка служба пријави дека неколку минути по главниот потрес се почувствувани и дополнителни помали земјотреси со јачина од 4 до 4,6 степени во истиот регион.

Колумбија се наоѓа во таканаречениот Тихоокеански огнен прстен, регион познат по чести сеизмички и вулкански активности.