Претседателката Гордана Сиљановска Давкова свика конститутивна седница на Советот за безбедност, што се одржа денеска, 4 ноември 2024 година.

Членови на Советот за безбедност се Африм Гаши, претседател на Собранието, Христијан Мицкоски, претседател на Владата, Панче Тошковски, министер за внатрешни работи, Владо Мисајловски, министер за одбрана, Тимчо Муцунски, министер за надворешни работи и надворешна трговија, Џевдет Хајредини, Малинка Ристевска Јорданова и Владо Спиридонов.

На седницата, покрај членовите на Советот на безбедност, на покана на претседателката Сиљановска Давкова ќе присуствуваат началникот на Генералштабот на Армијата, генерал-мајор Сашко Лафчиски, директорката на Агенцијата за разузнавање, Габриела Јаковлева и директорот на Агенцијата за национална безбедност, Бојан Христовски, стои во соопштението од кабинетот на претседателката.

Последната конститутивна седница на Советот за безбедност се одржа во мај.

Конституирање на советот доаќа по шест месеци од изборот на Силјановска за претседател и врховен командант.

Од кабинетот ни соопштија дека на денешната прва седница ќе се конституира советот, а како тема сигурно ќе се расправа и за актуелната безбедносна состојба бидејќи станува збор за прв таков состанок.

На денешната конститутивна седница нема ниту еден претходен член на Советот за безбедност. Политичарите се променети, по изборот на нова влада која пред неполн месец го назначи новиот директор на АНБ, Бојан Христовски.

Претходно во август беше назначен нов началник на Генералштабот, генерал мајор Сашо Лафчиски, а во јули претседателката Силјановска ја назначи и Јаковлева за директор на Агенцијата за разузнавање. За сите три сегменти и назначувања, во Разузнавање, во во АНБ и во Генералштабот- Антикорупциската комисија отвори постапки поврзани со исполнување на услови за добивање на функциите.

Миомир Серафиновиќ