Поддршка на Македонија за Украина, хибридните напади и моменталната состојба во регионот на Западен Балкан кој стана поле на натпревар на геополитички наративи по руската агресија беа во фокусот на обраќањата на премиерот Димитар Ковачевски и шефот на дипломатијата Бујар Османи на традиционалниот НАТО појадок со амбасадорите на земјите членки а по повод одбележувањето на НАТО деновите во Македонија и тригодишнина од приемот во Алијансата.

Премиерот Ковачевски, пред присутните диломати нагласи дека со членство во Алијанската Македонија повеќе не е сама а влезот во НАТО е излез од несигурност.

Во своето обраќање, шефот на дипломатијата ја истакна улогата на Македонија во регионалната стабилност и безбедност преку претседателството со Јадранската повелба но и претседавањето со ОБСЕ за поширокиот регион.  Тој ја реафирмираше поддршката на Македонија за Украина.

Пред присутните дипломати се обрати и амбасадорката на Украина во државата Лариса Дир, која го потенцираше значењето на воената помош што пристига од голем број на држави во светот неопходна за организирање на одбраната.

И премиерот Ковачевски и министерот Османи пртед присутните истакнаа дека Македонија заклучно со 2024 година ќе успее да ги исполни стандарите и да обезбеди буџет за одбрана во висина од два отсто од бруто домашниот производ.

Огнен Чанчаревиќ