Во салата на Филхармонијата, вечерва концерт ќе одржи Биг бендот на Здружението на џез музичари и слободни уметници. На програмата се композиции од прочуениот американски авангарден музичар, композитор и текстописец Френк Запа, кои ќе бидат изведени во нови аранжмани. Нумерите на Запа, кој важи за бескомпромисен експериментарот, виртуоз и уметник кој не правел компромиси во  изразот, Биг бендот  на ЗЏМ ќе ги изведе под диригентската палка на австрискиот маестро Зиги Фајгл, кој работи како професор на Џез Академијата во Грац. Биг бендот на ЗЏМ со Фајгл настапи и на концертот со обработки од британскиот состав Рејдиохед.

ЗЏМ , повеќекратно се посвети на светските музички легенди  и со одржаните концерти, со музика од Битлси и Дон Менза.