Во чест на нашиот композитор и диригент Александар Џамбазов, кој почина на почетокот на годината, вечерва Филхармонијата ќе одржи концерт , насловен „Омаж на маестро Александар Џамбазов“.Со концертот ќе диригира Џијан Емин.

• Со овој концерт, оркестарот на Филхармонијата, СОКОМ и пејачите кои ќе настапат ќе му оддадат признание и почит на Александар Џамбазов, кој остави непроценлив музички опус“, велат од Филхармонијата.

Меѓу композициите на програмата се : „Седумте танцови варијации“, со  солистката на пијано Елена Атанасовска-Ивановска, „Рапсодија за Скопје“, со пијанистот Иво Настевски, дела од опусот на Џамбазов напишани за Ревискиот оркестар и избор од песни што ќе ги пеат Тамара Тодевска, Никола Перевски-Пере, Александар Тарабунов и Антониа Гиговска.

Концертот е во рамките на манифестацијата „ Денови на македонска музика“, што се одржуваат по 45 пат.