Со концерт на Националниот џез оркестар вечерва ќе започне манифестацијата „Гевгелија- град на култура за 2025 година“. Концертот ќе се одржи на Градскиот плоштад во Гевгелија, со почеток во 19 и 30 часот.
Националниот џез оркестар ќе настапи под диригентство на Џијан Емин, а на програмата се незаборавни хитови и поп-евергрини од македонската и светската музичка сцена.
Мелодиите што ќе бидат изведени се со нов, уникатен звук, преку специјално направени аранжмани за изведба со биг-бенд состав. А, како солисти ќе настапат: Андријана Јаневска, Светлана Јовановска, Дејан Бобиќ и Калина Велковска.
