По вчерашната изјава на министерот Азир Алиу дека министерството за здравство ќе проверува кои клиники и доктори незаконски стигнувале до плати над 10.0000 евра, реагираа од независниот синдикат. Велат дека не може за неколку лекари да се оцрнува целиот здравствен систем и побараа лична, а не колективна одговорност.

Министерот откри дека доктор вработен во јавно здравство заработил 700.000 денари за еден месец, без да каже за кого станува збор и за која установа. Не ја исклучува можноста за кривична одговорност за ваквата пракса.

Алиу најави дека ќе воведаат системи за евиденција на работното место со отпечаток од прст за здравствените работници и рече дека веќе во две клиники го тестираат ваквиот систем. Но, за синдикатот во здравството рано е за тој процес и сметаат дека доколку се спроведе тоа ќе стане револт меѓу вработените.