Федерални агенти вчера смртоносно го застрелаа 37-годишниот Алекс Прети во јужниот дел на Минеаполис, за време на, како што соопштија властите, целна имиграциска акција.

Министерството за внатрешна безбедност на САД тврди дека агентите пукале во самоодбрана, откако Прети наводно им се приближил со огнено оружје и се обидел да се спротивстави при обидот да биде разоружан.

Сепак, видеоснимки од инцидентот, како и сведочења на очевидци и изјави на семејството, ја доведуваат во прашање оваа верзија.

На снимките се гледа како Прети ги снима агентите со мобилен телефон, по што доаѓа до турканица.

Во еден момент тој крева рака и изгледа дека држи телефон, а оружје не се забележува.

Потоа е соборен на земја од повеќе агенти, по што се слушаат најмалку 10 истрели.

Американските власти објавија фотографија од пиштол за кој тврдат дека му припаѓал на Прети, но локалната полиција соопшти дека тој бил законски сопственик на оружје и немал сериозно криминално минато.

Случајот предизвика протести и остри реакции од локалните власти и семејството на Прети, кое бара целосна истрага и вистината за околностите под кои тој го загубил животот.

Растат тензиите во Минеполис откако Федерални агенти убија уште едно лице