Сто и пет медиумски работници од Македонија денеска беа вакцинирани со антиковид вакцината „АстраЗенека“ во Институтот за јавно здравје во Врање, Република Србија.
Вакцините за македонски новинари беа обезбедени на барање на Македонското здружение на новинари (МАН) во соработка со партнерското Здружение на новинари на Србија, со поддршка на канцеларијата на српскиот претседател.
За новинарите од Македонија кои аплицираа за вакцинација, беше организиран превоз.
