Претседавачот со конститутивната седница Талат Џафери, поради објективни семејни причини, денеска нема да закаже продолжение на седницата, информираат од собранието.

Џафери вчера на Фејсбук напиша дека добил внук од ќерка, на што срдечно му честиташе и лидерот на СДСМ Зоран Заев.

Инаку вчера Џафери за Телма го најави продолжението на седницата за денеска во 14 часот, на која треба да се избере комисија за избори и менувања, а потоа и претседател на собранието.

Седницата требаше да следува откако денеска на пладне претседателот Пендаровски ќе му го додели мандатот за формирање влада на Заев.