Ти си на одмор, но вирусот не е, порача министерот за здравство Венко Филипче по денешните сцени на преполни плажи по домашните одморалишта на кои очигледно беше дека не се почитуваат мерките.

Избегнувај собирање во големи групи, носи маска, за да го заштитиме нашето здравје, но и здравјето на нашите најблиски. Да ги почитуваме мерките за заштита од ковид-19, затоа што јавното здравје е заедничка одговорност, напиша Филипче.