Македонската кошаркарска репрезентација вечерва во СРЦ Кале го играше првиот натпревар од квалификациите за Европското првенство, а противник ни беше селекцијата на Естонија.

Репрезентацијата на Македонија во моментов е далеку од врвот на европската кошарка, но вечерва крај теренот немало поголема бројка на политичари дури и во времињата кога нашиот национален тим беше меѓу водечките селекции на Стариот континент.

Кандидати за претседател, министри сегашни и поранешни, градоначалници актуелни и некогашни. Политичарите доминираа крај теренот, а тоа е само најава дека за некој месец во земјава ќе има избори па добро е секој од нив да биде виден и на еден спортски натпревар.

ФОТО: Игор Паневски