Премиерот Христијан Мицкоски најави дека се можни протести доколку 5-те членови на Судскиот Совет не си поднесат оставки по постапката за интерпелацијата во Собраноето. Во интервју на Канал 5, тој ветува дека ќе биде во првите редови на таквите протести.

-Ќе им се случи народ, ќе излезе народ на улица и ќе протестира, народот е гладен и жеден за правда. Замислете имате кај граѓаните помала доверба од 2 или 3%, ве разрешуваат и вие не си заминувате, водите инает. Ќе им се случи народ, прв ќе застанам кој ќе го води народот, ветувам дека тоа ќе се случи, изјави премиерот во интервјуто.

Прашан кој ќе ги замени ако се повлечат од функциите, Мицкоски рече дека ќе се разговара за тоа, но, како што кажа, едно е сигурно дека нема да биде исто.

На 11-ти март, Собранието им изгласа недоверба на петте члена на Судскиот совет, избрани во Собранието. Интерпелациите не се обврзувачки за членовите на Судскиот Совет Весна Дамева, Селим Адеми, Миљазим Мустафа, Тања Чачарова-Илиевска и Павлина Црвенковска, но владејачкото мнозинство очекува да си поднесат оставки.

Вајц: Повик од страна на Владата е загрижувачки знак за политичко мешање во судството