И во 21 век идентитетот е категорија која земји што се нарекуваат европски се обидуваат да ја оспорат. Ова е коментарот на шефот на македонската дипломатија, Тимчо Муциунски, за најавениот амандман во Европскиот парламент на Извештајот за Македонија со кој пред македонскиот јазик и идентитет би се додало „модерен“. Тој е категоричен дека Македонија не смее да прави отстапки по идентитетските прашања. Муцунски ја коментираше и вчерашната изјава на еврокомесарката за проширување, Марта Кос, дека идентите не може да биде предмет на политичко одлучување, при што под македонски идентитет ги наброја, манастирите, носиите, односнот кон старите лица, но и погачата, пуинџурот, полнетите пиперки.