Околу 18:50 од водите на Лепенец почна да се појавува горниот дел на црниот автомобил БМВ којшто со сајли го извлекува противпожарно возило.
Возилото БМВ по кое се трагаше над 24 часа во водите на Лепенец е пронајдено околу 17:30.
17:45 Во тек се подготовки за негово извлекување, од МВР не потврдуваат дали во возилото се пронајдени и таткото, мајката и малолетниот син пд семејството Пацоли кои било во автомобилот којшто по сообраќајна несреќа излетал од патот Скопје-Блаце.
Но, на местото на трагедијата пристигна и комбе на погребалното претпријатие “Бутел”.
18:00 Багер го расчистува коритото, а во близина на местото каде е најден автомобилот е и противпожарно возило. Нуркачите дополнително потврдија дека автомобилот е најден откако цели 24 часа, потрагата беше отежната поради надојдените води на Лепенец.
Во 18:40 новинарските екипи и присутните граѓани добија наредба да се оддалечат од безбедносни причини, а во близина на местото се поставуваат сајли за извлекување на автомобилот.
Околу 18:50 од водите на Лепенец почна да се појавува горниот дел на црниот автомобил БМВ којшто со сајли го извлекува противпожарно возило.
Сообраќајката се случи вчера попладне, а 4-членото семејство Пацоли со автомобил падна во реката по судар со скопски возач кој ја претекнувал колоната во која било и БМВ-то на Пацоли. 21-годишниот син успеал да се извлече од автомобилот и бил спасен од реката.
