Од партијата ЗНАМ го повикаа  Венко Филипче и раководството на СДСМ, да одговорат дали тој е сопственик на фирми во Бугарија.

„Според официјалните податоци од Трговскиот регистар на Република Бугарија, Венко Филипче е единствен сопственик и управител на компанијата „ПАУЪР АЙ8“ ЕООД. Како што може да се види од документите, Филипче е наведен како „Едноличен собственик на капиталот“ и како „Управител“ на оваа компанија. Седиштето на оваа компанија е во градот Петрич, на адреса булевар/улица „ГОЦЕ ДЕЛЧЕВ“ бр. 12. Интересно е што на истата адреса, „ГОЦЕ ДЕЛЧЕВ“ бр. 12 во Петрич, е регистрирана и компанијата „ГОМАСИДРА“ ЕООД, во сопственост на Вице Заев. Ова недвосмислено укажува на постоење на испреплетена бизнис мрежа на највисоките структури на СДСМ во соседна Бугарија“, рече Мемов.

Тој го праша Филипче дали „овие бизнис интереси, се причина за неговото инсистирање по секоја цена да се направат уставни измени под бугарски диктат?“.