Папата Франциск денеска упати силна порака за крај на војните во Украина и во Газа. Повика на прекин на огнот меѓу Израел и Хамас, како и за ослободување на сите заложници кои ги држи палестинската милитантна група.
Поглаварот на Римнокатоличката црква служеше миса во Ватикан. Церемонии се одржуваат ширум светот по повод одбележувањето на големиот Христијански празник – Велигден кој денеска се слави според Грегоријанскиот календар.
Папата синоќа присуствуваше и на традиционалното двочасовно Велигденско бдеење.
