Tехеран ќе го брани своето право да го контролира Ормускиот теснец по секоја цена. Ова го изјави првиот потпретседател на Иран, Мохамед Реза Ареф, пренесува новинската агенција ТАСС.
- „Исламската Република ќе го брани своето право да го контролира Ормускиот теснец, без разлика дали на преговарачката маса или на терен“, беше цитиран од државната телевизија.
Порано денес, Централната команда на иранските вооружени сили објави дека Техеран ја продолжил воената контрола врз Ормускиот теснец поради блокадата на пристаништата во Персискиот Залив од страна на САД и прекумерните барања на Вашингтон.
