Најмалку 23 лица загинаа во пожар во популарен ноќен клуб во индиската сојузна држава Гоа. Трагичниот настан се случил нешто по полноќ во центарот за забави Арпора.

Според индиски официјални лица, повеќето од загинатите се работници во кујната на клубот, како и тројца до четворица туристи.

Причина за пожарот е експлозија на плинска боца. Индиските медиуми пренесуваат дека огнот е изгаснат и сите тела на жртвите се пронајдени.

Локалните политичари најавија истрага за утврдување на точната причина за пожарот и дали биле почитувани прописите за противпожарна безбедност и правилата за градење.

Западната крајбрежна држава Гоа е една од најпопуларните туристички дестинации во Индија, позната по своите песочни плажи.

С.Д.