Сојузот на синдикати и гранковиот градежен синдикат ќе поднесат иницијатива за уставноста на новата Бехтел&Eнка веризја на законот за работни односи и го прифатија предизвикот на претседателот Пендаровски кој вчера ги потпиша сите 5 закони за Коридорите. Ова е удар врз правата на градежните работници, оценија оттаму и наведоа дека нивната пресметка е уште пострашна. Работната недела ќе може да трае и 72 часа, вели Пешевски од Синдикатот.

Вчера Претседателот Стево Пендаровски соопшти дека ги потпишал законите бидејќи со правните советници утврдиле дека ја нема озлогласената формулација за 60-часовна работна недела.

Токму стратешката формула за пресметката на работните часови е особено спорна за синдикатите бидејќи сега таа формула не е само за Коридорите 8 и 10А туку и за сите останати бизниси кои може да се прогласат за стратешки и работниците да имаат долга работна недела, а скромна исплата на прекувремено.

Според синдикатот, најслабата алка во заштитата на правата на работниците, а особено на градежниците е трудовиот инспекторат којшто не врши ефикасна контрола врз условите за работа и врз прекувремените часови кои според него се под принуда, а не со доброволна согласност на работниците. Преморените работници почесто умираат, потенцир Пешевски и наведе дека лани имало 20 загинати градежници и над 200 повредени на градилишта.

Миомир Серафиновиќ