Бензините од полноќ поевтинија, а поскапе дизелот и екстра лесното масло за домаќинство. Еуросупер 98 денеска се продава поевтино за еден денар за литар, а еуросупер 95, за половина денар.

Цените на еуродизелот и екстра лесното масло за домаќинство од денеска се повисоки за еден денар.

Со последните измени во ценовникот во малопродажба еуросупер 95 денеска чини 84 денари за литар, еуросупер 98 – 86 денари.

Новата цена на еуродизел е 91 денар, а на маслото за горење 87 и пол денари за литар.