Одбиен е предлогот за зголемување на платите во јавниот сектор. СДСМ со амандман побара 57 милиони евра за оваа намена, за да има корекции на платите за сите, а не само за некои области.

Власта уверува дека покачувањето на платите ќе дојде со нова методологија во општиот Колективен договор. Ова беше првиот од 200 амандмани поднесени од СДСМ. Во комисијата за финансирање и буџет, по четири дена општа расправа, почна амандманската расправа за буџетот за наредната година.