Украинскиот претседател Володимир Зеленски потврди дека трилатералните мировни разговори меѓу Украина и Русија, со посредство на Соединетите Американски Држави, се одложени поради актуелната безбедносна ситуација на Блискиот Исток.

Во своето редовно обраќање Зеленски изјави дека во моментов нема услови за одржување на трилатерална средба.

Украинскиот претседател воедно ги пофали националните разузнавачки служби за преземените чекори со цел да се овозможат идни размени на воени заробеници со Русија. Тој нагласи дека Киев продолжува да работи на враќање на сите украински граѓани кои се наоѓаат во руско заробеништво.