Во организација на студентите од Факултетот за ветеринарна медицина, на плоштадот во Автокоманда се одржа хуманитарна изложба со миленици, а собраните средства преку „Support Kocani“ ќе одат за семејствата на настраданите во пожарот во кочанската дискотека „ Пулс“.

Организаторите велат дека преку врската на милениците со нивните сопственици сакале да покажат дека човекот треба да се стреми кон поубави нешта и да биде солидарен.

А, граѓаните кои дојдоа и донираа средства велат дека никогаш нема да биде доволна помошта за семејствата на настраданите и затоа тие преку нивните хумани гестови сакале да покажат дека тие луѓе не се сами.