Владата го продолжи рокот на траење на мерката за ограничување на маржата на основните прехранбени производи, на денешната седница одлучи да се применува до 31 декември 2022 година.

Состојбата на пазарот укажува дека цените не се стабилизирани и со тоа се наметна потребата да се продолжи рокот за следните 3 месеци од оваа година.

Согласно одлуката висината на трговска маржа на трговските друштва и трговските поединци кои учествуваат во трговскиот ланец на леб бел;, сечен на парчиња или цел, шеќер бел и сончогледово масло за јадење се утврдува во висина до 5% во трговијата на големо и до 5% во трговијата на мало.

Висината на трговска маржа на трговските друштва и трговските поединци кои учествуваат во трговскиот ланец на брашно од пченица – тип 400 и тип 500, макарони и шпагети од тврда пченица, македонски бел ориз и трајно кравјо млеко со масленост од 2,8%, 3,2% и 3,5% млечна маст и јајца се утврдува во висина до 10% во трговијата на големо и до 10% во трговијата на мало.