Поранешниот француски претседател Франсоа Оланд упати порака дека Европската унија треба да научи да живее „сама“ и повеќе да не се потпира врз Соединетите Американски Држави, дури и по заминувањето на Доналд Трамп од власт.

Оланд се заложи за брза изградба на засилени европски одбранбени сили, фокусирани околу неколку земји кои се подготвени да го спроведат тоа.

–Ќе мораме да живееме сами, Европа сама. За Германците и Британците е многу тешко да замислат западен свет без САД“, оцени Оланд, додавајќи дека не треба да се верува дека САД ќе се вратат кон Европа како порано, кога Трамп повеќе нема да биде претседател.

„Тоа е завршено“, рече поранешниот претседател на Франција.