Oppenheimer ги предводи овогодинешните Оскари со неверојатни 13 номинации, следен од Poor things со 11, Killers of the flower moon со 10, додека медиумскиот фаворит Barbie заврши со „респектибилни“ 8 номинации, само една повеќе од Maestro, а по 5 номинации добија American Fiction, Anatomy of a Fall, The Holdovers и The Zone of Interest.

Тричасовниот историски филм за животот на физичарот Роберт Опенхајмер по фантастичниот успех во кината, доби номинации во сите „големи“ категории. Килијан Марфи, Емили Блант и Роберт Дауни Џуниор се номинирани во категориите на улогиte, а режисерот Кристофер Нолан за најдобар режисер.

Мало разочарување за фановите на Barbie е тоа што, спротивно на очекувањата, Марго Роби не доби номинација за најдобра женска главна улога, ниту пак режисерката на филмот Грета Гервиг. Единствена со номинација за улога од Barbie изненадувачки доби Америка Ферара за најдобра женска споредна улога.

Прв пат по повеќе од 3 децении номинација за најдобра улога доби Џоди Фостер за Nyad, додека пак Лили Гладстоун стана првата домородна американска која добила номинација за оскар.