Градоначалникот на Општина Гази Баба изјави дека Општината Гази Баба во рамките на Јавниот повик за финансирање на инфраструктурни проекти од Владата  ќе добие 9 милиони евра.

Со овие средства е предвидено да се реализира изградба на нова детска градника меѓу Маџари и Керамидница како и нова училишна спортска сала за ООУ „Григор Прличев“ во Железара.

Предвидено е дополнително изградба на фекална канализација во Јурумлери, Идризово и Дрма, а во соопштението се додава дека ќе се догради и основното училиште „Крум Тошев“ во Трубарево.  Средствата се предвидени да покријат и изградба на неколку улици и патишта.

Градоначалникот Стефковски додаде дека за сите проекти е изготвена целокупната документација и дека постапката за изградба ќе започне откако ќе се избере економски оператор за реализација на  градежните активности.