Еден осуденик загина по физичка пресметка што се случила ноќеска околу полноќ во судскиот оддел на Психијатриската болница „Бардовци“ во Скопје.

Според информациите од МВР, во тепачката учествувале двајца осуденици — Д.С. (35) од Неготино и И.Т. (62) од село Љубанци.

При пресметката, И.Т. бил удрен со стаклено шише и изгубил свест, по што бил префрлен во Ургентниот центар, каде околу 02:20 часот починал.

Починатиот бил осуден за семејно насилство, додека неговиот напаѓач издржува казна затвор за убиство.

Телото на починатиот е дадено на обдукција по наредба на јавен обвинител, а Д.С. е задржан во истата соба каде што се случил инцидентот.

Настанот предизвика загриженост за безбедносните услови во судскиот оддел на психијатриската установа.

Од СВР Скопје информираат дека се работи на целосно расчистување и документирање на случајот, по што ќе биде поднесена соодветна кривична пријава против осомничениот.

Истражните органи ја продолжуваат истрагата за утврдување на причините за конфликтот и евентуална одговорност на надлежните служби.