Партиите кои припаѓаат на Европската народна партија освоија најмногу гласови на европските избори.

Онака како што предидуваа анкетите, оваа групација ќе биде доминантна во идниот парламент. Уште на изборната ноќ стигнаа најави за соработка со Социјалистите и демократите кои се на второ место според освоените гласови.

Пораката ја упати Урсула фон дер Лајен, која се појави во пред новинарите во Европскиот парламент велејќи дека во Социјалистите ќе бара партнети за мнозинство за силна Европа.

По критиките дека фон дер Лајен би можела да соработува со тврдата десница, таа рече дека ќе  соработува со проевропските партии, со оние кои ја поддржуваат Украина и кои се за владеење на правото.

Анкетите се покажаа точни во предвидувањата за раст на десницата. Во Франција партијата Национален собир однесе 32 отсто од гласовите, што го предизвика претседателот Емануел Макрон да го распушти парламентот и да закаже предвремени избори. По тешкиот пораз на неговата партија тој рече дека ја слушнал пораката на гласачите.

Убедлива победа однесе и италијанската премиерка Џорџа Мелони во Италија. Нејзината Браќа на Италија освои најмногу гласови.

Германската Алтернатива за Германија се искачи на второто место, потиснувајчи ги социјалсемократите на канцеларот Олаф Шолц. Крајната десница победи во Австија, а крајно десничарската партија на Герт Вилдерс е на второ место во Холандија.

Сега треба да се види како овие партии ќе се групираат во идниот парламент, и во колкава мера може да влијаат на креирањето на европските политики.

Од Брисел за Телма Марија Дивитарова

https://youtu.be/EjGbsiFe4fs