Осигурителната индустрија во земјава бележи тренд на перманентен пораст, велат експертите. Девет најдобри студенти во четврта година на Економскиот факултет при УКИМ во Скопје ќе добијат стипендии од осигурителни компании. Оваа новина ја предвидува трипартитниот меморандум за соработка кој денеска го потпишаа Агенцијата за супервизија на осигурувањето (АСО), Економскиот факултет и Здружението на осигурителни компании. Бројот на квалитетни и задоволни осигуреници е клучен за квалитетен раст и развој на пазарот за осигурување, смета Шајноски.

„Пазарот на осигурување е стабилен, бројките растат, но дали може да биде подобро секогаш може. Чисто да знаете последните податоци од третиот квартал кажуваат дека неживотното осигурување расте со 7,8 %, животното осигурување расте со 17, 5% бидејќи сегментот на неживот е поголем во однос на живот. Генерално просечно пазарот осигурителен расте со 8,5% што е исклучително позитивен тренд од аспект на раст“, изјава Крсте Шајноски, претседател на Совет на експерти на АСО.

„Ова отвора можност осигурителните компании да стипендираат наши студенти во текот на нивното студирање, но и можност за нашите студенти кое се нуди од овој меморандум на соработка е изведување на практична настава на студентите како во Агенцијата за  за супервизија на осигурување, така и во другите институции од осигурителниот сектор во земјата. Практично да учат од осигурителните компании“, изјави професор доктор Предраг Трпески, декан на Економски факултет).

Нина Стефанова