По пет години казна затвор добија тројца турски државјани кои во мај лани му помогнале на Кадир Кара да изврши убиство на нивен сонародник во кафуле на градскиот плоштад „Слобода“ во Штип. Судечкиот судија во Основниот суд во Штип, Јулијана Недкова при изрекувањето на пресудата рече дека четвртообвинетата е осудена на три месеци затвор.

Тројцата турски државјани на Кара му помогнале да пристигне во Штип, но и да избега од местото на убиството. Истата вечер на автопатот Штип-Миладиновци имаше бркотница со автомобили, како во акциски филм. Полицијата ги пресретне на една од патарините и ги фати обвинетите.

Сторителот на убиство Кара претходно призна вина и беше осуден на 17 години казна затвор. Тој и тројцата негови помагачи по издржување на затворската казна ќе бидат засекогаш протерани од Македонија.

Викторија Димитрова Јованова