За австриската министерка за Европа, интеграција и семејство, Клаудија Плаколм, на земјите од Западниот Балкан кои постигнале значителен напредок, како Македонија, треба чекор по чекор да им биде овозможено да се вклучат во европските програми.

Според неа преку подобра економска соработка и видливи придобивки за граѓаните и компаниите, ЕУ може да ги зајакне врските со регионот. Плаколм предупреди дека продолжената неизвесност околу проширувањето може да го наруши кредибилитетот на Унијата и да го отвори регионот за влијание на други геополитички сили.

Таа предложи да се разгледа ограничување на правото на вето при донесување одлуки за проширување и изрази надеж дека нови членки ќе се приклучат до 2030 година. Во споредба со Украина, Плаколм посочи дека Западниот Балкан е значително понапред во процесот на пристапување и дека е време за конкретни чекори кон интеграција.