Три возила се опожарени ноќеска на паркинг пред станбен комплекс на улицата „Леринска“ во Битола, во централното градско подрачје.

Пожарот во полиција е пријавен 20 минути по полноќ, по што веднаш била повикана противпожарната единица и извршен е увид на местото на настанот. Како што соопшти СВР Битола, едно од возилата е со битолска регистрација, едно возило е скопско и едно е тетовско.

Најверојатно цел на нападот е битолскиот автомобил кој, неофицијано, е во сопственост на сопруга на битолски политичар, поранешен кандидат за градоначалник и актуелен бизнисмен.

Мотивите засега не се познати, полицијата работи на расчистување на случајот.