Oд 05:15 часот поради врнежи од снег се воведува забрана за сообраќај за тешки товарни возила на патниот правец Струга – граничен премин „Ќафасан“, извести АМСМ. Поради протест на грчките земјоделци, од денеска (08.01.2026) со почеток во 10 часот на ГП „Ники“ (ГП „Меџитлија“) ќе има забрана за движење на товарни возила во наредните 48 часа, заклучно со 10.01.2026 во 10 часот. Сообраќајот за патнички моторни возила ќе се одвива со нормален тек.

Сообраќајот на државните патишта се одвива во зимски услови,по влажни коловози.

Врнежи од снег со променлив интензитет се бележат во Куманово, во Страцин, во Крушево, во Железнец, како и на планинските превои Стража, Буково, Ѓавато и Пресека, но моментно не претставуваат пречка за одвивање на сообраќајот.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.