Воз на њујоршкото метро излета од шините, откако се судри со друг воз, при што повеќе од 20 луѓе се повредени, вклучително и некои кои се пренесени во болници, соопшти градската полиција.

Најмалку 20 возила за итна помош интервенирале на терен, а околу 300 луѓе биле евакуирани од патничкиот воз кој излета од шините.

Пожарникарите евакуираа и неколку стотици луѓе од трет воз кој поради несреќата мораше да застане во тунелот.

Судирот предизвика и големи прекини во попладневниот шпиц. Причината занесреќата за сега се уште е непозната.