Властите на шпанскиот град Алкала де Гуадаира им наредија на жителите на населеното место да останат во затворени простории поради пожар во складиште за хемикалии, објавија шпанските медиуми.

Според Итната помош, нема информации дека има повредени во пожарот, бидејќи сите работници во фабриката се евакуирани, пренесува „Каденасер“.

Пожарникарите од повеќе провинции се обидуваат да го изгаснат пожарот што избувна во рамките на компанијата „Плаинсур“, во просторот каде што се чуваат хемиски разредувачи на површина од 1.000 метри квадратни.