Со 64 гласови „за“ и 15 „против“, без воздражани, пратениците го изгласаа новиот закон за Советот на јавните обвинители кој е дел од Реформската агенда.

Министерството за правда преку соопштение информира дека со законското решение се реформира постапката за избор на членови на Советот на јавните обвинители, по примерот на критериумите предвидени во новиот Закон за Судскиот совет.

Новиот закон воведува и обврска за целосно и аргументирано образложение на одлуките за избор, унапредување и дисциплинска одговорност на обвинителите, а се воведува и доследна примена на системот на заслуги при избор, унапредување и разрешување на јавните обвинители.

Новото законско решение предвидува и јакнење на транспарентноста на Советот ја јавни обвинители преку воведување на обврска за за објавување на одлуки и извештаи, јавно одржување на седници со директни преноси и информирање на јавноста.

Се воведува и двостепеност во дисциплинските постапки, а се јакне улогата на Советот во постапката за избор и разрешување на Јавниот обвинител.