Доналд Трамп ќе положи заклетва како претседател на инаугурацијата на 20 јануари наредната година. Некои од неговите ветувања се однесуваат на завршување на војната во Украина. Според него тоа е војна која мора да се реши.Тој во претходните говори потенцираше дека „Ќе ја решам кога ќе бидам избран за претседател“.

Во 2023 година, тој изјави за Си-Ен-Ен: „Ако сум претседател, војната ќе се реши за еден ден, 24 часа“.

Во делот на измените во имиграцијата Трамп рече дека првиот ден ќе потпише извршна наредба за да се осигура дека идните деца на луѓето кои живеат илегално нема да добијат автоматско американско државјанство.

Запрашан во 2023 година од Фокс њуз дали ќе ја злоупотреби својата моќ или ќе ги таргетира политичките противници, Трамп одговори: „Не, не, не, освен првиот ден. дека, јас не сум диктатор“.

Тој, исто така, рече дека „Ќе ја започне најголемата програма за депортација на криминалци во американската историја“ на првиот ден.

Дали ќе има крај на кривичниот случај од 6 јануари?

Специјалниот советник Џек Смит поднесе кривична пријава против Трамп минатата година поради неговите напори да ја поништи неговата загуба на изборите во 2020 година. Случајот е во правна неизвесност откако Врховниот суд пресуди дека Трамп е делумно имун од кривично гонење поради службени дела извршени додека бил на функцијата.

Смит тврдеше дека обидите на Трамп да ги поништи изборите не се поврзани со неговите службени должности. Трамп вели дека верува оти пресудата на Врховниот суд му дала имунитет, но и за Смит рече „Би го отпуштил во рок од две секунди“.