Претседателката на Македонија, Гордана Сиљановска-Давкова, преку објава на социјалните мрежи упати порака по повод велигденските празници, нагласувајќи ја симболиката на традицијата и духовната димензија на празникот.

Таа истакна дека боите со кои се вапцаат велигденските јајца претставуваат израз на животот што победува и надежта што се обновува, додавајќи дека овој чин не е само обичај, туку и момент на семејна блискост, сплотеност и духовна подготовка.

Во пораката, Сиљановска-Давкова повика празникот да се дочека со достоинство, смирение и љубов, во исчекување на Христовото воскресение.