Маж од село Стење, ресенско, е лишен од слобода поради измами со лажни лекари и сообраќајни несреќи, соопшти СВР Битола.

Тој и уште едно непознато лице измамиле две постари битолчанки, претставувајќи се како доктори и барајќи пари за наводни итни операции на нивни блиски.

Првото кривично дело се случило на 5 февруари, кога оштетената дала златна огрлица и златно синџирче со привезоци во вредност од околу 40.000 денари.

Следниот ден, 6 февруари, второто кривично дело довело до измама со 7.000 евра од друга постара битолчанка и нејзиниот сопруг.

По преземените полициски мерки и претреси, пронајдени се предмети кои потекнуваат од кривичните дела. Против лицето е поднесена кривична пријава, а судија на претходна постапка му одреди притвор во траење од осум дена.