Нон-пејперот кој предвидува укинување на ветото и блокадата поради билатерални прашања ќе го забрза процесот на проширување, сметаат европскител либерали. Европратеникот Дан Барна очекува и социјалдемократите и конзерватиците да ја прифатат оваа иницијатива која Брисел ја доставиле Германија и Словенија.

Претседателката на ЛДП Моника Зајкова која е избрана за нов претседател Либералната мрежа на Југоисточна Европа, која ги обединува либералните партии од Југоисточна Европа смета дека овој нон-пејпер е добар и треба да стане реалност затоа што ќе значи побрз напредок на земјите кандидатки и ќе оневозможи меѓусоседски блокади. Конкретно за Македонија таа го повтори ставот за уставните измени со одложено дејство. Измените да се направат веднаш, а во уставниот закон да се предвиди одложена примена односно уставните измените да влезат во сила тогаш кога сите земји членки мегу кои и Бугарија ќе го прифатат пристпаниот договор за членство на земјава во ЕУ. Таа смета дека е потребна и унифициран и координиран став на партиите за државните позиции

Европратеникот Барна кој во Скопје присуствуваше на конфереција посветена на следните чекори на ЕУ  во однос на проширувањето  го пренесе ставот на ЕК и ЕП дека проширувањето е меѓу врвните приоритети на Унијата.

Информацијата за нон-пејперот со јавноста ја сподели министерката за надворешни и европски работи на Словенија, Тања Фајон. „Тоа е иницијатива за забрзување на целиот процес на проширување, за да немаме премногу можности да ставиме вето и да блокираме соседи поради билатерални прашања и да ја искористиме можноста за гласање со квалификувано мнозинство неколку пати во текот на процесот“, изјави Фајон.

Елена Ивановска Мукоска