Илјадници луѓ излегоа на протест во Валенсија против шпанските власти по најтешката природна катастрофа што ја погоди земјата во поновата историја. Луѓето бараат оставка од регионалниот лидер на Валенсија, Карлос Мазон.

Во поплавите што ја зафатија Валенсија загинаа најмалку 200 луѓе.

Жителите изразија гнев поради лошото управување и брзината со која властите одговорија на кризата. Фрустрацијата поради управувањето со кризата зовре минатата недела, кога луѓето фрлаа кал и предмети врз шпанското кралско семејство, врз премиерот Педро Санчез и врз регионалните власти, кога тие го посетија регионот погоден од поплавите.