Во Лос Анџелес се одржа протест против можната американска интервенција и вмешување во вооружениот судир меѓу Израел и Иран. Демонстрантите побараа мир и воздржаност од страна на САД… Ваквата реакција доаѓа откако претходно американскиот претседател Доналд Трамп изјави дека сè уште не одлучил дали ќе нареди напад врз Иран.

Дел од луѓето кои излегоа на протестот влеат дека излегле поради стравувања за своите блиски во Техеран. Протестот се одржа пред федерална зграда во центарот на Лос Анџелес, каде демонстрантите носеа транспаренти со пораки како „САД – тргнете ги рацете од Иран“ и „Дипломатија, не бомби“.

Некои учесници се изјаснија против американската поддршка на израелската воена кампања, повикувајќи на итно прекинување на огнот и почеток на мировни преговори. Организаторите најавија дека ќе продолжат со протести доколку тензиите се зголемуваат, истакнувајќи дека сакаат да испратат јасна порака до Вашингтон дека американската јавност не поддржува нова војна на Блискиот Исток.